المحاسبة
 |
| المحاسبة |
فى هذا المقال فى لينكدان للعرب هنعرف كل حاجة عن المحاسبة و اقسامها و فرص الشغل فى المحاسبة و ازاى ابقى محاسب شاطر
هنعرف كل حاجة عن المحاسبة بالتفاصيل و لو عجبك المقال شاركة مع اصحابك
عندنا اربع اقسام للتخصصات جوا المحاسبة نفسها
- محاسبة مالية
- محاسبة تكاليف
- محاسبة و تمويل
- مراجعة و حوكمة شركات
و هنتلكم عن الفرص اللي بتبقا متاحة لكل قسم منهم
محاسبه ماليه financial accounting
تقدر تشتغل ف مكاتب المحاسبه او تبقا محاسب مالي و تيلر في بنك او خدمه عملاء و أي حاجه ليها علاقه بالمحاسبه الماليه حتي لو ف مصنع ..
و تعتبر من المجالات المطلوبة جدا
نظرا لاهميته ف اي مكان من اول الكشك لحد الشركات المالتي ناشيونال
محاسبه و تمويل accounting & finance
تقدر تبقا موجود ف شركات تداول الاوراق المالية و شركات التمويل
العقاري واي مؤسسات تمويل و طبعا البنوك وإدارة الائتمان بالبنوك و الإدارات
الماليه ممكن تبقى فيها محلل مالي او مدير مالي و اللي بيختار هيكل راس المال و
هيزوده ازاي وتحلل القوائم و غيره من مهام كتير بتحتاج قدرات ابداعية و تحليليه
عاليه و دة من المجالات اللي حقيقي عظيمة و لو ركزت فيه و اشتغلت علي نفسك بشكل
كويس هتبقا حاجة محترمة
محاسبه تكاليف وإدارية cost & management
شغل التكاليف ف المصانع والشركات
الإنتاجية و كمان ممكن تبقى مدير مالي مع الخبره و هي من المجالات المطلوبة جدا و
اللي بسبب صعوبتها في ناس كتير بتهرب منها و لذلك مطلوبة و ليها مستقبل حلو
مراجعه وحوكمة شركات auditing
ممكن تشتغل مراجع في مكاتب المراجعه و ممكن تبقى مراجع داخلي في شركه و ممكن تشتغل في هيئات حكومية زي الجهاز المركزي للمحاسبات
● المحاسبة بشكل عام كويسة من حيث فرص الشغل و كويسة جدا للشخص اللي اشتغل علي نفسه و معاه لغه و تقدير و كمبيوتر و كورسات توضح قد ايه الشخص دة ملم بمجاله
بعيدا عن ان المهنة هتنقرض كمان عشر
سنين و الكلام دة لكن منقدرش ننكر كمية فرصها ف سوق العمل و اهميتها..
"اخيرا، اختار
مجالك علي اساس اللي انت بتحبه و هتبقا كويس فيه مش اللي فرص شغله اعلي لان ممكن
تدخل مجال مش بتحبه و للاسف مش هتنجح في لانك مش عارف تبقا مختلف عن غيرك..
ربنا يوفق الجميع
لو عجبك الشرح متنساش تدخل تشوف باقى المقالات فى لينكدان للعرب
تعليقات
إرسال تعليق