التحول الرقمي
 |
| التحول الرقمى |
هنتكلم النهاردة فى موضوع جديد فى مدونة لينكدان لعرب عن التحول الرقمى و هنعرف كل حاجة عن التحول الرقمة و ازاى هو مهم فى حياتنا دلوقتى . مدونة لينكدان للعرب متخصصة ديما فى كل المقالات التقنية و العلمية
كلمة بقت منتشرة جداً و فيها أبحاث و رسائل و ناس خدت فيها دكتوراه و درجات ماجستير
بس بعيداً عن ده
التطبيق الفعلي للتحول الرقمي بدأ فعلا من زمان اوي و شفنا أسواق على النت و محلات
بتعمل أبلكيشنات ليها تسوق منتجاتها مبقاش محتاج تعمل يفط في الشوارع و بتستبدلها
بإعلان على مواقع التواصل الإجتماعي
في مطاعم كتير أوي
اتشهرت بسبب السوشال ميديا
التحول الرقمي كمان عمل
شركات توصيل و دليفري و نقل و حتى مواصلات.
كل ده جزء من كل جزء من
تحول شامل .
بس الجزء ده بقى عشوائي
جدا و أصبح ظاهرة محتاجة إدارة محتاجة سوق و عميل و مخطط للسوق ده
المخطط للسوق ده علم
مكاني اسمه الجيوبيزنس أناليسيز بالعربي كدة التحليل المكاني للأعمال
جيو = جغرافيا
بيزنس = بيشمل المشاريع
الضخمة و الكبيرة و المتوسطة و متناهية الصغر
الأناليسيز دي التحليلات
جغرافيا ! بتاعة أين
يقع مضيق هيرمز
اه هي الجغرافيا بس
التطبيقية منها
الجغرافيا التطبيقية
ليها كذا ابن وهما الجيوماتيكس (المساحة بكل أنواعها)
نظم المعلومات
الجغرافية (المكانية) اختصارها GIS
و الإستشعار عن بعد او
المصطلح الأدق الإستشعار النائي أو التحسس النائي Remote sensing
دول ولاد الجغرافيا
التطبيقية و دول كلهم داخلين في بعض و كلهم من بعض -زي كل أقسام الجغرافيا اللي
كلنا بنكرهها- .
الجيوبيزنس أناليسيز هو
أحد أبناء الGIS و هو كمان ليه ولاد و
ولاده دول كتير هما كمان بس أهمهم تحليل الجدوى المكانية و تحليل الخدمات و تحليل
الزبون المستهدف
الجدوى المكانية أو suitability analysis
ده الإبن الكبير
للجيوبيزنس و ده بيمشي من العام أوي للخاص أوي و كمان بيخلي العميل يحدد كل
إحتياجاته و يختار منها كمان المناسب ليه ببساطة انت رحت مول تشتري منه حاجة فموظف
الإستقبال قالك انت عاوز تشتري ايه قلتله بفكر أشتري لبس قالك دي كل محلات اللبس
هنا محتاج اللبس ده رجالي ولا حريمي قلتله رجالي قالك دي محلات اللبس الرجالي قالك
إيه نوع اللبس قلتله تيشيرت و بنطلوب فقالك دي محلات اللبس الرجالي الكاجول إيه
المقاس المطلوب قلتله أكس لارج قالك ده دولاب الإكس لارج عاوز لون إيه قلتله لون
أبيض قالك ده رف اللون الأبيض في مقاس الأكس لارج في محل كاجول في اللبس الرجالي
فوصلك للمكان اللي فيه الحاجة اللي انت عاوزها من خلال إحتياجاتك .
الإبن التاني للجيو بيزنس هو تحليل الخدمات و ده ليه إبنين هما الجيو كود (رمز المعرفة المكانية) و توزيع الخدمات
و أما عن الابن التالت للجيو بيزنس
هو الزبون المستهدف و ده من خلال تخصص الشركة بيتحدد الاماكن اللي مش
متغطية بالخدمة دي وليكن مثلا عندنا شركة موبيلات لسة نازلة جديد الشركة دي مش
هتنزل بحاجة غالية علشان متحرقش نفسها في السوق لا هتستهدف الفئة الإقتصادية وطبعا
هتحتاج بما انه لسة موبيل رخيص انك تستهدف الأماكن اللي فيها أكبر عدد ناس و
تقدملهم خدمتك بإختصار هتحدد الأماكن الشعبية علشان تجرب موبيلك فموبيلك ينتشر
علشان بعدين تبدأ تنافس .
دي كانت بعض الكلمات البسيطة عن مجال مهم جدا بالنسبة لدراسات السوق و البيزنس
لو عجبك المقال متنساش تشوف باقى المقالات فى لينكدان للعرب Linkedin for arab
تعليقات
إرسال تعليق